tg-me.com/facdy313/1065
Last Update:
سادتي اصحاب الحسين
........
ابينهم جنت انه عايش بل امان
هسه ياوسفه علي دار الزمان
صرت انادي إبلا مجيب
الهوى لصوتي ضل يجيب
..........
يا اصحابي البشدايد عازه الكم
بعد جا يمته يرد يلتم شملكم
كومو هسه حسين رايد ولو ضلكم
يلعفتوني وحيد ورحتو كلكم
........
البقه عندي من هلي بس الرضيع
وانا هم ماباقي شي وصبح صريع
لعلتي جنتو طبيب
..........
ياهو اليحامي خيامي وياهو الهه
لو حتركت ياهو منكم يفزعلهه
انه اصيح وصوتي يرجع نومه كلهه
هاي نومتكم ابد لا مو محلهه
........
ياابطال الصفا ماضلي نصير
من بعدكم حيره بين اعداي احير
ابعازتك عم ياحبيب
........
يل كبل ساعه أونس جنتو لعيوني
هسه صرت انه غريب وشاهدوني
ابمعسكرهم اجوني وحاوطوني
لو طحت بيناتهم مايرحموني
............
لجسمي بعد اشويه ماينعرف حال
من السيوف امن الحجاره امن النبال
دعوه من واحد غريب
............
اشلون هان اعليكم اتخلوني وحدي
يل اخذتو الحيل ماضل حيل عندي
انه وحدي فوك الف خيال ضدي
ردت بس شربة اميه تروي جبدي
.........
الهوى ايعذبه الماشرب ماي العذب
محد الينهض عن اخيامي يذب
ويعتلي بيهه الهيب
.........
وحدي عفتوني انادي إبلا مناصر
بكدكم واكثر جروحي بس أكابر
ابينكم راح اوكع انه بعصر عاشر
وينطبك عل كاع جسمي ابدوس حافر
..........
صدري وي الكاع اشوي ينطبك
اخيول عشره عليّ تتناوب سحك
اشوي بعد جسمي سليب
...........
اللهم عجل لوليك الفرج
بفضلهم محمد الاسماعيلي
BY الشاعر محمد الاسماعيلي
Warning: Undefined variable $i in /var/www/tg-me/post.php on line 280
Share with your friend now:
tg-me.com/facdy313/1065